ئەفغانستان؛ هێرشى چه‌كدارى كرایه‌ سه‌ر بارەگای پارێزگاری قەندەهار

- 10/18/2018 8:30:00 PM 6686 جار خوێندراوەتەوە


خەندان- خۆشناو حسێن

لەهێرشێکی چەکداریدا لە بارەگای پارێزگاری هەرێمی قەندەهار، ڕۆژى پێنجشەممە سێ سەربازی ئەمەریکی برینداربوون و سكوت میلر فەرماندەی هێزەکانی ئەمەریکا و ناتۆ لە ئەفغانستان لەو هێرشەدا رزگار بووە.

بەپێی ئاژانسی رۆیتەرز ئەو هێرشە لەکاتی کۆبوونەوەی فەرماندە ئەمەریکییه‌كان بووه‌ لەگەڵ گەورە بەرپرسانی ئەفغانستان و عەبدولره‌زاق فەرماندەی پۆلیسی قەندەهار کوژراوە و پارێزگاری هەرێمی قەندەهار بە سەختی بریندار بووە.

بزوتنەوەی تاڵیبان بەرپرسیارێتی ئەو هێرشەى گرتووەته‌ ئەستۆ و لە بەیاننامەیەکدا رایگەیاندووە کە لەو هێرشەدا فەرماندەی پۆلیسی قەندەهار لەگەڵ ژمارەیەک بەرپرسانی دیکە کوژراون. 

ئەو هێرشە لە کاتێکدایە بڕیارە هەڵبژاردنی پەڕلەمان له‌ ئه‌فغانستان رۆژی شەممە بەرێوەبچێت و تاڵیبان هەڕەشەی پەکخستنی هەڵبژاردنى کردبوو.


Copyright © 2016 Xendan.org all rights reserved

designed and developed by AVESTA GROUP