سلێمانى؛ دەرمانخانەیه‌ك داخرا

- 10/11/2018 2:19:00 PM 12838 جار خوێندراوەتەوە


خه‌ندان-

بەهۆی پابەندنەبوون بە مەرجەكانی كاركردنی سیستمی تەندروستی، لەلایەن لیژنە هاوبەشەكانی قائیمقامیەتی سلێمانییەوه‌ دەرمانخانەیەك داخرا.

ئاریان عومەر، سەرۆكی لیژنە هاوبەشی تەندروستی رایگەیاند، بەهۆی پابەند نەبونی بە مەرج و رێنماییەكانى كارنەكردن بە‌ سیستمی تەندروستی، دەرمانخانەی (هایما) لە گەڕەكی سەروەری شاری سلێمانی داخرا.

وتیشی،" لەكاتی سەردان و پشكنینی لیژنەی هاوبەشی تەندروستی بۆ دەرمانخانەی هایما، دەركەوتووە بڕێكی زۆر دەرمانی ماوەبەسەرچوو لە شوێنەكەیدا هەیە و خاوەنەكەشی پسپۆڕی لەبواری دەرمانسازیدا نییە‌ كە مەترسی پێدانی دەرمانی هەڵە بە‌ نەخۆشی لێدەكرێت، هەروەها پێچەوانەی رێنماییەكانی كاركردنە لە دەرمانخانەكاندا".

راشیگەیاند،" خاوەنەكەی بەنیازبووە دەرمانە بەسەرچووەكان بەسەر هاوڵاتیانی شاری سلێمانی و گەڕەكەكە ساخ بكاتەوە بەبێ رەچاوكردنی زیانی دەرمانەكە بۆ سەر تەندروستی نەخۆشەكان".

ئاریان عومەر وتى،" بەفەرمانی قائیمقامی سلێمانی و لەلایەن لیژنە هاوبەشەكانەوە دەرمانخانەكە داخراو و خاوەنەكەشی كاری پێویستی بەرامبەر دەگیرێتەبەر". 

نیشانەکردن :

#سلێمانی

Copyright © 2016 Xendan.org all rights reserved

designed and developed by AVESTA GROUP