"بکەری ئەو کارە دەدۆزینەوە"
تره‌مپ قسه‌ له‌گه‌ڵ ده‌ستگیرانه‌كه‌ى خاشقچى ده‌كات

- 10/10/2018 10:52:00 PM 24750 جار خوێندراوەتەوە


خه‌ندان-

دۆناڵد ترەمپ سەرۆکی ویلایه‌ته‌ یه‌كگرتووه‌كانى ئەمریکا سه‌باره‌ت به‌ دۆسیه‌ى جه‌مال خاشقچى رایگه‌یاند، قسه‌ى له‌گه‌ڵ ده‌ستگیرانه‌كه‌ى كردووه‌ و بانگهێشتى كۆشكى سپى كردووه‌ ده‌شڵێت، ئەم بارودۆخە زۆر خراپە.

ترەمپ لە میانی کۆنگرەیەکی رۆژنامەوانیدا لە کۆشکی سپی به‌ رۆژنامه‌نوسانى راگه‌یاند،
"ئەم بارودۆخە زۆر خراپە، بەهیچ شێوەیەک رێگەنادەین رۆژنامەنووسێک یاخود هەرکەسێکی دیکە ئاوای بەسەربێت."

ترەمپ ئاماژەی بەوەکرد، کە لەگەڵ دەستگیرانەکەی خاشقچی گفتوگۆی کردووە و    بانگهێشتی کۆشکی سپی کردووە، جه‌ختیكرده‌وه‌"بکەری ئەو کارە کێ بێت دەیدۆزینەوە، ئەوەی دەیزانین ناوبراو دوای ئەوەی چووەتە كۆنسوڵخانە بێسەروشوێن بووە."

هەفتەی رابردوو میدیاکانی تورکیا بڵاویانکردەوە، جەمال خاشقچی ڕۆژنامەنوسی سعودی کە لە ئەمەریکا نیشتەجێیەو بە ڕەخنەگرێکی سەرسەختی دەسەڵاتدارانی سعودیە ناسراوە، سەردانی باڵیۆزخانەی سعودیەی کردووە لە ئیستەنبوڵ، بەڵام دواتر بێسەروشوێن بووە و هیچ زانیاریەک نیە لەبارەیەوە.

باڵیۆزخانەی سعودیە لە ئیستەنبوڵ دەنگۆی کوشتنی جەمال خاشقچی ڕەتکردەوە و ڕایگەیاند ڕۆژنامەنوسە سعودیەکە پاش تەواوبوونی مامەڵەکانی لە باڵیۆزخانەکەیان دەرچووە.

لەوەڵامدا ڕەجەب تەیب ئەردۆغان، سەرۆکی کۆماری تورکیا داوای لە باڵیۆزخانەی سعودیە کرد وێنەی دەرچوون و جێهێشتنی خاشقچی لە باڵیۆزخانەکە بخەنەڕوو.

خاشقچی ساڵی 1958 لە شاری مەدینەی سعودیە لە دایكبووە و سەرنووسەری رۆژنامەی عەرەب نیوز و وەتەنی سعودیە بووە، لە ساڵی 2004 راوێژكاری راگەیاندنی تركی فەیسەڵ، باڵیۆزی وڵاتەكەی بووە لە بەریتانیا و دواتر لە واشنتۆن.


Copyright © 2016 Xendan.org all rights reserved

designed and developed by AVESTA GROUP