ترەمپ راستیی پەیوەندی خۆی لەگەڵ خواردنەوەی ئەلكحول ئاشكرا دەكات

- 10/2/2018 11:43:00 AM 53599 جار خوێندراوەتەوە

خەندان- خۆشناو حسێن

دۆناڵد ترەمپ، سەرۆكی سەرۆكی ویلایەتە یەكگرتووەكانی ئەمەریكا لەمیانی كۆنگرەیەكی رۆژنامەوانیدا لە باخچەی كۆشكی سپی رایگەیاند، راستی نەخواردنی یەك دڵۆپ ئەلكحول "هەواڵێكی دڵخۆشكەرە بۆ هەمووان".

دۆناڵد ترەمپ وتی، "دەتوانم بە راشكاوانە بڵێم، كە هیچ جۆرە ئەلكحول-ێكم نەخواردووەتەوە".

ترەمپ لە كۆنگرە رۆژنامەوانییەكەدا وەڵامی پرسیارێكی دایەوە لەبارەی دادوەر برێت كاڤانۆ، كە كاندیدی كردووە بۆ سەرۆكایەتی دادگای باڵای ئەمەریكا، كە ئەلكحول دەخواتەوە، و وتی، "ئەندامانی ئەنجومەنی پیرانی دیموكراتەكان فریشتە نین".

پێشتر ترەمپ رایگەیاندبوو، ئەو بەهۆی ئامۆژگارییەكی برا گەورەكەیەوە ئەلكحول ناخواتەوە، چونكە فەرید ترەمپ-ی برا بەهۆی خواردنەوەی ئەلكحول-ەوە لە تەمەنی 43 ساڵیدا گیانی لەدەستداوە.


Copyright © 2016 Xendan.org all rights reserved

designed and developed by AVESTA GROUP