خەندان زانیاری لەسەر پشووەکەی ڕۆژی چوارشەممە بڵاودەکاتەوە

- 9/29/2018 2:44:00 PM 281441 جار خوێندراوەتەوە

خەندان-خۆزگە عەزیز

رۆژی چوارشەممە لە شارەکانی ناوەڕاست و باشووری عێراق پشووی فەرمییە و سەرچاوەیەکیش لە ئەنجومەنی وەزیران رایگەیاند، " ئەو پشووە هەرێمی کوردستان ناگرێتەوە".

سەرچاوەیەک لە ئەنجومەنی وەزیران بە خەندان-ی راگەیاند، "رۆژی چوارشەممە پشووی فەرمی نییە و دەوامی ئاساییە و تەنها رۆژی ٩ی نیسانی هەموو ساڵێک لە هەرێم پشووە کە ڕۆژی پرۆسەی ئازادی عێراقە".

پێشتر هەندێک لە میدیا عێراقی و ناوخۆییەکان دەنگۆی ئەوەیان بڵاوکردەوە کە رۆژی چوارشەممە ٣ی تشرینی یەکەم بەپێی ڕۆژمێری پشووەکانی عێراق پشووی فەرمیە.

ڕۆژی ٣ی تشرینی یەکەمی ساڵی ١٩٣٢ عێراق بەشێوەیەکی فەرمی سەربەخۆیی خۆی لە بەریتانیا راگەیاند و بەو هۆیەشەوە هەموو ساڵێک لە شارەکانی ناوەراست و باشووری عێراق ئەو ڕۆژە دەکرێتە پشووی فەرمی.



Copyright © 2016 Xendan.org all rights reserved

designed and developed by AVESTA GROUP