هەرئێستا

ئەگەر بەدوای سەرکەوتندا دەگەڕێیت، لەم رەفتارانە دووربکەوەرەوە

- 9/14/2018 4:11:00 PM 1434 جار خوێندراوەتەوە


خەندان لایف-

بەپێی هەواڵێکی ماڵپەڕی foochia توێژینەوە زانستیەکان کە لەلایەن شارەزایانی بواری زانستی دەروونیەوە ئەنجامدراوە، دەرکەوتووە کە گفتوگۆکردن و قسەکردن لەگەڵ کەسێک و متمانە بەدەستهێنان بۆ بیروڕاکانت %7 پەیوەندی بە وشەکانتەوە هەیە %38 بەشێوازی دەنگەوە و چۆنێتی دەربڕینی، لە %55 زمانی جەستەت ڕۆڵدەبینێت، هەر بەو هۆیەشەوە هەندێک ڕەفتار و کرداری جەستەیی زیانی سلبی هەیە و دەبێتەهۆی کەمبوونەوەی متمانەی تۆ.

بۆ ئەوەی لەکاتی گفتوگۆکردندا متمانەت بەهێز بێت، دەبێت هەوڵبدەیت ئەم حەوت هەڵەیە ئەنجام نەدەیت لە کردارەکانتدا:

1-کاتێک بەرامبەر کەسێک دەدوێیت، ئاگاداری نیگای چاوەکانت بەو تەرکیز بخەرە سەر کەسی بەرامبەر، سەیرکردنی تۆ بۆ جێگایەکی تر دەچێتە باری بێ ڕێزیەوە و متمانەی تۆ دەدۆڕێت و بڕوا بە قسەکانت ناکرێت.

2-شێوازی وەستان و جوڵەی لەشی تۆ، هۆکارێکە بۆ دەرخستنی کەسایەتی تۆ و متمانەکردن بە قسەکانت لەلایەن کەسی بەرامبەرەوە.
3-بایەخنەدان بەشێواز و دەربڕینی ڕووخسارت لەکاتی گفتوگۆکردندا، هۆکارێکی سەرەکیە بۆ نەمانی متمانە، واتە چۆن پێدەکەنیت لە چ کاتێکدا چۆن وادەکەیت توڕەیی ناخت بەسەر دەموچاوتدا زاڵنەبێت، هەموو ئەمانە کاریگەری هەیە.

4-شێوازی تەوقەکردن لەگەڵ کەسی بەرامبەر، کاریگەری لەسەر متمانەی تۆ هەیە لەلای کەسی دووەم، ڕەنگە بە هێزێکی زۆرەوە تەوقەکردن هێما بێت بۆ ڕق یان دوژمنایەتی و کەسی بەرامبەر بەو شێوەیە تێبگات.

5-کردنەوە و داخستنی لەپی دەستەکانت زۆر کاریگەری لەسەر متمانەی تۆ هەیە، داخستن و توندکردنی هەردوو دەست و هێنانی بۆ پێشەوە، هێمای داخراوی و کۆتاییهێنان بە قسە یان گرنگی نەدان بە قسەکانی کەسی بەرامبەر دەبەخشێت، ڕەنگە مەبەستی تۆ وانەبێت، بەڵام هەستەکانی کەسی دووەم واتێدەگات.

6-سەیرکردنی ئاسمان یان سەرەوە لەبەردەم کۆمەڵە کەسێکدا، هێمایە بۆ بێ هێزی و لاوازی کەسایەتی تۆ و نەبوونی متمانە بەخۆبوون.

7-قەبارەی نێوانی خۆت و ئەو کەسەی گفتوگۆ دەکەن، چونکە ئەگەر ئەوە نێوەندە زۆر بێت نائاسوودەیی دروست دەبێت و متمانە لاواز دەبێت گرنگی ئەو بابەتە کەم دەبێتەوە کە گفتوگۆی لەسەر دەکەن


Copyright © 2016 Xendan.org all rights reserved

designed and developed by AVESTA GROUP