هاوپەیمانی و یه‌كێتى سه‌باره‌ت به‌ كۆبوونه‌وه‌ى ئه‌مڕۆیان راگه‌یه‌ندراوێكیان بڵاوكرده‌وه‌

- 9/14/2018 1:04:00 PM 32123 جار خوێندراوەتەوە


خه‌ندان-

هاوپەیمانی دیموکراسی و دادپەروەری و یەکێتی نیشتمانی کوردستان، راگه‌یه‌ندراوێكى هاوبه‌شیان له‌سه‌ر كۆبوونه‌وه‌ى ئه‌مڕۆیان بڵاوكرده‌وه‌و ده‌ڵێن، لە چوارچێوەی رێکكەوتنێکی هەمەلایەنە جه‌خت ده‌كه‌نه‌وه‌ له‌ چاره‌سه‌رى ئەو کێشانەی رووبەڕووی هاوڵاتیان بووه‌تەوە.

هه‌ردوولا رایده‌گه‌یه‌نن، لە چوارچێوەی رێکكەوتنێکی سیاسی هەمەلایەنە بۆ رێکخستنەوەی ناوماڵی کوردستانی بە هاوبەشی هێزو لایەنە سیاسییەکان، جه‌ختیان له‌ چاره‌سه‌رى قه‌یرانه‌كانى كوردستان كردووه‌ته‌وه‌و بڕیاریشدرا کۆبوونەوەکان بەردەوام بن.

راگەیەندراوی هاوبەشی (یەکێتی نیشتمانی کوردستان و هاوپەیمانی دیموکراسی و دادپەروەری)

سەرلەبەیانی ئەمڕۆ ۱٤ی ئەیلولی ۲٠۱۸ لەشاری سلێمانی و لە ماڵی (کۆسرەت رسول علی) جێگری سکرتێری گشتی یەکێتی و بە ئامادەبونی (د.بەرهەم سالح) سەرۆکی هاوپەیمانی کۆبونەوەی باڵای (یەکێتی نیشتمانی کوردستان و هاوپەیمانی دیموکراسی و دادپەروەری) ئەنجامدرا.

لەکۆبونەوەکەدا هەردولا جەختیان کردەوە لەسەر چارەسەرکردنی قەیرانەکانی کوردستان و ئەو کێشانەی روبەرووی هاوڵاتیان بۆتەوە. ئەمەش لەچوارچێوەی رێکەوتنێکی سیاسی هەمەلایەنە بۆ رێکخستنەوەی ناوماڵی کوردستانی بە هاوبەشی هێزو لایەنە سیاسییەکان.
بڕیاریشدرا کۆبونەوەکان بەردەوام بن.

هاوپەیمانی دیموکراسی و دادپەروەری
یەکێتی نیشتمانی کوردستان


Copyright © 2016 Xendan.org all rights reserved

designed and developed by AVESTA GROUP