دوای 9 ساڵ لە دیارنەمانی "كەشتی تارمایی" لە كەنارەكانی میانمار دەركەوتەوە

- 9/1/2018 2:46:00 PM 189378 جار خوێندراوەتەوە

خەندان- خۆشناو حسێن

دوای نۆ ساڵ لە دیارنەمانی كەشتییەكی بارهەڵگری وڵاتی ئەندونیسیا لە كەنارەكانی میانمار دەبینرێت، بەڵام هیچ كەس لەناویاندا نەبووە.

رۆژنامەی ئاسیان تایمز، ئەمرۆ شەممە بڵاویكردەوە، پێش چەند رۆژێك كەشتییە ئەندونیسیەكە كە نازناوی "كەشتی تارمایی" لێنراوە لە كەنارەئاوییەكانی شاری یانگۆن–ی پایتەختی بازرگانی میانمار بینراوە.

هەروەها ئاماژەی بەوەكردووە، كەشتییەكە ئاڵای ئەندونیسیای لە سەر هەڵگیراوە و 11 كیلۆمەتر لە كەنارەكانی میانمار دووربووە، بەڵام هیچ كەس یان كەلوپەلێكی لە ناودا نەبووە و تەنانەت ژەنگیشی گرتووە.

دوا جار كەشتی  " Sam Rataulangi PB 1600" لە ساڵی 2009 لە كەنارەكانی تایوان بینرابوو و دوای ئەوە دیارنەماوە.

ئەو كەشتییە لە ساڵی 2001 دروستكراوە و كێشی نزیك 30 هەزار تەنە و درێژیییەكەی 177 مەترە.


Copyright © 2016 Xendan.org all rights reserved

designed and developed by AVESTA GROUP