هەواڵی ئەمڕۆ

سلێمانی؛ 60 تۆمەتبار دەستگیرکران

- 8/10/2018 11:18:00 AM 11169 جار خوێندراوەتەوە

خەندان-

پۆلیسی سلێمانی رایگەیاند، ٦٠ کەسیان بە تۆمەتی قومارکردن لە کافتریا و گازینۆکاندا دەستگیرکردووە و بەپێی ماددەی 389 لەیاسای سزادانی عێراقی و بەفەرمانی دادوەر راگیراون.

بەڕێوەبەرایەتی پۆلیسی پارێزگای سلێمانی بەشی راگەیاندن و پەیوەندییەكان بڵاویکردووەتەوە، ٦٠ كەسیان بەتۆمەتی قوماركردن دەستگیرکردووە لە سەرجەم کافتریا و گازینۆکاندا.

پۆلیس دەشڵێت، لەئێستاشدا تۆمەتباران بەپێی ماددەی 389 لەیاسای سزادانی عێراقی و بەفەرمانی دادوەر راگیراون و لەلایەن بنكەی پۆلیسی سەراوە پەڕاوی لێكۆڵینەوەیان بۆ كراوەتەوە.

راشیگەیاندووە، هەڵمەتەكانی گەڕان و پشكنین لە تەواوی گازینۆ و كافتریاكانی شاری سلێمانی بەردەوامییان دەبێت و سەرجەم تۆمەتباران رووبەڕووی یاسا دەكرێنەوە .



Copyright © 2016 Xendan.org all rights reserved

designed and developed by AVESTA GROUP