نرخی نەوت بەرزبووەوە

- 7/10/2018 10:22:00 AM 7345 جار خوێندراوەتەوە


خەندان- هاوکار یونس

ئەمڕۆ سێ شەممە نرخی نەوت بەرزبوونەوەی بەخۆیەوە بینی، ئەوەش بەهۆی زیادبوونی نیگەرانیەکان سەبارەت کەمبوونەوەی بەرهەمهێنانی نەوت بەهۆی مانگرتنی کرێکارانی نەوتی نەرویجەوە.

کاتژمێر ٩:٣٨ خولەکی بەیانی ئەمڕۆ نرخی بەرمیلێك نەوتی خاوی برێنت ٥٥ سەنت بەرزبووەوەو گەیشتە ٧٨.٦٢ دۆلار.

هەروەها نرخی بەرمیلێك نەوتی خاوی تەکساس ٤٧ سەنت بەرزبوەوەو گەیشتە ٧٤.٣٢ دۆلار.
 
سەدان کرێکاری کێڵگەکانی نەوت و گازی نەرویج بەهۆی ناڕەزاییان لەئەنجامدانی گۆڕانکاری لەکرێکانیاندا هەڕەشەی ئەنجامدانی مانگرتن دەکەن لەڕۆژی سێ شەممەدا کە ئەمەش کاریگەری دەبێت لەسەر ئاستی بەرهەمهێنانی نەوت لەو ووڵاتەدا.


Copyright © 2016 Xendan.org all rights reserved

designed and developed by AVESTA GROUP