رێکخراوی هیومان ڕایتس وۆچ: چەکدارانی تورکیا لە عەفرین تاوانی جەنگیان ئەنجامداوە

- 6/16/2018 8:59:00 AM 8974 جار خوێندراوەتەوە

خەندان- 

رێکخراوی هیومان ڕایتس وۆچ رایدەگەێنێت، گروپە چەکدارەکانی ئۆپـۆزسیۆنی سوریای هاوپەیمانی سوپای تورکیا موڵک و ماڵی خەڵکی سیڤیلیان لە عەفرین داگیرکردووە. 
 
رێکخراوەکە، چەندین حاڵەتی پێشێلکاری و تاوانی جەنگی ئاشکراکردوە کە دەریدەخات گروپە چەکدارەکانی ئەحرار ئەلشەرقیـیە، جەیش ئەلشەرقیـیە، سوڵتان موراد، موڵک و ماڵی خەڵکیان وێرانکردووە و کەسوکاری خۆیانیان لێ نیشتەجێکردوون.

ڕیکخراوی هیومان ڕایتس وۆچ ئاماژەی بەوەداوە، ئەو هێزانە زۆر توندوتیژیان بەرامبەر هاوڵاتیانی عەفرین ئەنجامداوە کە دەچنە خانەی تاوانی جەنگەوە".

هاوکات بەپـێی ڕاپۆرتێکی نەتەوە یەکگرتووەکان لە پاش هێرشی تورکیا و گروپەکانی ئۆپـۆزسیۆنی سوریا بۆ سەر عەفرین، زیاتر لە ١٣٧هەزار کەس ئاوارەبووە.

رێکەوتی ٢٠ی کانوونی دووەمی ئەمساڵ، سوپای تورکیا لەشکرکێشی بۆ سەر شاری عەفرین دەستپێکرد، کە لە ژێر کۆنترۆڵی هێزە کوردییەکاندا بوو، بە پاساوی پاراستنی خاڵە سنورییەکانی و مەترسی نیشتیمانی، رێکەوتی ١٨ی ئازار، سوپای تورکیا کۆنترۆلكردنی شارەکەی راگەیاند و ٢٤ی ئازاریش نیازی درێژکردنەوەی لەشکرکێشییەکانی بۆ سەر شاری مەنبەج راگەیاند.


نیشانەکردن :

#تورکیا #عه‌فرین

Copyright © 2016 Xendan.org all rights reserved

designed and developed by AVESTA GROUP