تێرێزا مەی فشار دەكات بۆ سەپاندنی سزای زیاتر بەسەر روسیادا

- 6/13/2018 3:48:00 PM 3844 جار خوێندراوەتەوە

خەندان- هاوكار یونس

تێرێزا مەی، سەرۆك وەزیرانی بەریتانیا ئەمڕۆ چوارشەممە رایگەیاند، لەكۆبوونەوەی لوتكەی سەركردەكانی یەكێتی ئەوروپادا لە كۆتایی ئەم مانگەدا فشار دەكات بۆ زیادكردنی سزاكان لە دژی روسیا.

لەوتەیەكدا لە پەرلەمانی وڵاتەكەی تێرێزا مەی وتی، "من فشاردەكەم بۆ بەردەوامی سزاكان لە دژی روسیا، لە راستیدا من پێموایە لە چەند بوارێكدا ئێمە پێویستە سزاكان لەسەر ئەو ڕژێمە زیاد بكەین".

لەسەرەتای ئەمساڵەوە پەیوەندیەكانی نێوان مۆسكۆ و لەندەن گرژی زۆری بەخۆیەوە بینی، دوای ژەهرخواردكردنی سیخوڕێكی پێشووی روسیا لە بەریتانیا، كە بەریتانیا روسیا بەئەنجامدانی هێرشەكە تۆمەتبار دەكات.

نیشانەکردن :

#به‌ریتانیا

Copyright © 2016 Xendan.org all rights reserved

designed and developed by AVESTA GROUP