موعجیزە لەدایک بوو

- 5/27/2018 9:41:00 PM 284745 جار خوێندراوەتەوە

خەندان-

لەدوای رزگاربوونیان لە شەپۆلی کەنار ئاوەکانی مێدینسنس سانس، خیزانێکی کۆچبەری لیبیایی منداڵە تازە لەدایک بووەکەیان ناونا "موعجیزە -Miracle" .

ئەو خێزانە لە لیبیاوە کۆچیان کردووە بەرەو ئیتاڵیا، لە یەکێک لە بەلەمەکانی فریاکەوتندا بەرەو ئیتاڵیا کۆچیان کردووە، منداڵەکە کێشی ٢.٨  کیلۆگرامە، بە وتەی ستافی رزگارکردنی کۆچبەرانی ئیتاڵیا، دایکەکە و منداڵەکەش تەندروستییان جێگیرە.

موعجیزە، تا ئێستا شەشەم منداڵە کە لەسەر بەلەمی فریاکەوتنی ئیتاڵیا لەدایک ببێت، بەڵام یەکەم منداڵە کە لەم ساڵدا لەدایکبووە، لەگەڵ گەیشتنیدا بۆ قەراخ ئاوی دەریاکە، کۆچبەرەکان وەک خۆشی دەربڕین،  گۆرانیان وتووە و سەمایان کردووە.

لەماوەی سێ ساڵی رابردوودا، زیاتر لە هەزار و ٨٠٠ کەس لە لیباوە بەرەو ئیتاڵیا کۆچیان کردووە، کە بەهۆی خراپی باری ئابوورییەوە لە لیبیا هەڵدێن.




Copyright © 2016 Xendan.org all rights reserved

designed and developed by AVESTA GROUP