xendan ads

تۆتی وازیهێنا و رویكردە كاری كارگێڕی

- 7/17/2017 11:06:00 PM 3636 جار خوێندراوەتەوە
فرانچیسكۆ تۆتی


خەندان-

فرانچیسكۆ تۆتی ئەفسانەی هەڵبژاردەی ئیتاڵیا و یانەی رۆما بەشێوەیەكی فەرمی وازهێنانی لە یاریی تۆپی پێی راگەیاند.

پێنجشەممەی رابردوو جەیمس بالۆتای سەرۆكی یانەی رۆما لەگەڵ تۆتی كۆبووەوەو هەردوولا لەسەر ئەوە رێككەوتن لەهاوینی ئەمساڵەوە تۆتی بچێتە دەستەی كارگێڕی یانەكەی پایتەختی ئیتاڵیاوە .

ئەمرۆش دووشەممە یانەی رۆما بەیانێكی بڵاوكردەوە كە تێیدا ئاماژە بەوە دراوە تۆتی دەبێتە یاریدەدەری مۆنچی بەرێوەبەری وەرزشی یانەكەیان و لە مانگی ئابەوە دەستبەكار دەبێت . 

بەوەش ئەفسانەی گورگەكان دەبێتە پردی پەیوەندی لەنێوان جەیمس بالۆتای سەرۆكی یانەی رۆما و مۆنچی بەرێوەبەری وەرزشی یانەكەی پایتەختی ئیتاڵیاو لەهەمان كاتیشدا لە نێوان یاریزانان و دەستەی راهێنەر و ئیدارەی یانەكەدا دەبێت .

وەرگرتنی ئەو پۆستە لەلایەن تۆتییەوە بەو واتایە دێت كە چیتر یاری تۆپی پێ ناكات و بەشێوەیەكی یەكجاری وازهێنانی خۆی لەو یارییە رادەگەیەنێت . 

 



Copyright © 2016 Xendan.org all rights reserved

designed and developed by AVESTA GROUP