xendan ads

چۆنێتی پاراستنی منداڵ لە هەوکردنی دایبی

- 7/17/2017 11:31:00 AM 6237 جار خوێندراوەتەوە
پێویستە دوو کاتژمێر جارێک دایبیکەی بگۆڕدرێت

خەندان لایف-

لە وەرزی هاویندا بەهۆی بەرزی پلەکانی گەرماوە زیاتر لەهەموو کاتێک منداڵ بەهۆی دایبیەوە ئەندامی زاوزێی تووشی هەوکردن دەبێت، ئەمەش دواجار هۆکارێکە بۆ ئازار و سووربوونەوەی پێست و بێزارکردنی منداڵەکە.

بۆ ئەوەی باشتر منداڵەکەت بپارێزیت، پێویستە پەیڕەوی ئەم ڕێنماییانە بکەیت:

لەڕووی تەندروستیەوە دەرمانێکی زۆر هەیە بۆ ئەوەی دژی هەوکردن بەکاریبهێنیت ڕۆژانە بۆ منداڵەکەت، پێش دانانی دایبی بەڵام بێگومان پێویستە لەڕێگەی پزیشکەوە وەریبگریت و لە هاویندا بەکاریبهێنیت.

پێویستە دوو کاتژمێر جارێک دایبیکەی بگۆڕدرێت، هاوکات پێویستە لەو نێوەندەدا هەوا بیدات لە پێستەکە و بۆ ماوەی نیو کاتژمێر بەبێ دایبی بمێنێتەوە.

بەکارهێنانی دایبی باش و تەندروست، مەرج نییە گرانی دایبیەکە پێوەر بێت، بەڵکو هەستیاری پێستی منداڵەکە جیاوازە و دەبێت زیانی بۆ ئەو نەبێت.

واز لە بەکارهێنانی سابون و کلێنس بهێنە و تەنها بە ئاو ئەندامی زاوزێی بشۆ.

ئاگاداربە لە بەکارهێنانی جلوبەرگی نایلۆن و قوماشی ناتەندروست.



Copyright © 2016 Xendan.org all rights reserved

designed and developed by AVESTA GROUP