xendan ads

ئێران؛ هه‌ڵبژاردن كۆتایی‌ هات و جیاكردنه‌وه‌ی‌ ده‌نگه‌كان ده‌ستیپێكرد

- 5/19/2017 10:41:00 PM 3525 جار خوێندراوەتەوە
جیاكردنه‌وه‌ی‌ ده‌نگه‌كان ده‌ستیپێكردووه‌


خه‌ندان-

هه‌ڵبژاردنه‌كانی‌ ئێران كه‌مێك له‌مه‌وبه‌ر له‌سه‌رتاسه‌ری‌ وڵات كۆتایی‌ هات و جیاكردنه‌وه‌ی‌ ده‌نگه‌كان ده‌ستیپێكرد.

وه‌زاره‌تی‌ ناوخۆی‌ ئێران رایگه‌یاند، جیاكردنه‌وه‌ی‌ ده‌نگه‌كانی‌ هه‌ڵبژاردنی‌ سه‌رۆكایه‌تی‌ و ئه‌نجومه‌نی‌ شار و گونده‌كان ده‌ستپێكردووه‌و ڕێژه‌یه‌كی‌ زۆر له‌ هاوڵاتیان به‌شداری‌ ده‌نگدانه‌كه‌یان كردووه‌.

ئێواره‌ی‌ ئه‌مرۆ، هه‌ڵبژاردن له‌ كاتژمێر 06:00بۆ كاتژمێر 08:00 درێژكرایه‌وه‌و دواتریش  بۆ كاتژمێر 10:00و بۆ سێیه‌م جاریش تا كاتژمێر 12:00 درێژكرایه‌وه‌.

عه‌دولره‌زا ره‌حمان فه‌زڵی‌، وه‌زیری‌ ناوخۆی‌ ئێران رایگه‌یاند"به‌هۆی‌ زۆری‌ ڕێژه‌ی‌ به‌شداری‌ ده‌نگده‌رانه‌وه‌ ماوه‌ی‌ ده‌نگدان درێژكراوه‌ته‌وه‌، درێژكردنه‌وه‌كه‌ بنكه‌كانی‌ ده‌نگدانی‌ ده‌ره‌وه‌ی‌ وڵاتیش ده‌گرێته‌وه‌"،

بەیانی ئەمڕۆ هاوڵاتیانی ئێران روویان لەسندوقەكانی دەنگدان كرد بەمەبەستی دەنگدان بۆ هەڵبژاردنی سەرۆكی نوێی ئەو وڵاتە،و ئەنجومەنی شاروگوندەكانی ئەو وڵاتە.

عەبدولرەزا رەحمانی‌، وەزیری‌ ناوخۆی‌ ئێران  18ی ئەم مانگە ڕایگەیاند، زیاتر لە 56ملیۆن كەس مافی‌ دەنگدانیان هەیە لە هەڵبژاردنی‌ ئەو وڵاتە، و چاوەڕواندەكرێت ئەنجامی‌ هەڵبژاردن لەخولی‌ یەكەم یەكلاببێتەوەو یەكێك لەكاندیدەكان 50+1ی‌ دەنگەكان بەدەست بهێنن.

رەحمانی‌ ووتیشی،  200 ملیۆن كارتی‌ دەنگدان چاپ كراوەو ناردوویانە بۆهەموو شارەكانی‌ ئێران و كارتەكان لە بانكی‌ ناوەندی‌ ئێران چاپكراون كە 14نیشیانەی‌ سیمبولی‌ تێدایە بۆئەوەی‌ نەتوانرێت كۆپی بكرێت.

ئاماژەی‌ بەوەشكرد، كوالێتی‌ كارتەكە لە پارە دەچێت و  كۆپی‌ ناكرێت و لەهەڵبژاردنەكە 56 ملیۆن و 410 هەزار234 هاوڵاتی‌ ئێرانی‌ مافی‌ دەنگدانیان هەیەو وەزارەتی‌ ناوخۆ 63هەزار و 429 بنكەی‌ دەنگدانی‌ كردووەتەوە  16هەزار سندوقی‌ جوڵاوی‌ داناوە.

بەوتەی‌ رەحمانی ، وەزارەتی‌ ناوخۆ ڕاستەوخۆ ئەنجامی‌ بەرایی‌ هەڵبژاردنەكان ڕادەگەیەنێت، ئەوەشی‌ خستەڕوو" بەپێی‌ راپرسیەكان رێژەی‌ بەشداری‌ لە هەڵبژاردنەكە سەدا 72 دەبێت".

لەهەڵبژاردنی‌ سەرۆكایەتی‌ ئێران، ملیۆنێك كەس چاودێری‌ پرۆسەكە دەكەن350 هەزار ئەندامی‌ هێزی‌ ئەمنی‌ بۆ پاراستنی‌ ئاسایشی‌ هەڵبژاردن لە ئەركدا دەبن و 70 هەزار پشكنەر لە ناوەندەكانی‌ دەنگدان دەبن.



Copyright © 2016 Xendan.org all rights reserved

designed and developed by AVESTA GROUP