xendan ads

هه‌ڵبژاردنی‌ ئێران؛ 36ملیۆن كه‌س به‌شداری‌ ده‌نگدانیان كردووه‌

- 5/19/2017 10:36:00 PM 3415 جار خوێندراوەتەوە


خه‌ندان-

تا كاتژمێر10:30خوله‌كی‌ ئه‌مشه‌و به‌كاتی‌ ئێران 36ملیۆن هاوڵاتی‌ به‌شداری‌ پرۆسه‌ی‌ ده‌نگدانی‌ كردووه‌ له‌ئێران، پێش ته‌واوبوونی‌ ماوه‌ی‌ زیادكراوی‌ ده‌نگدان به‌ كاتژمێر ونیوێك.

به‌پێی‌ ئاژانسی‌ ته‌سنیم، پرۆسه‌ی‌ ده‌نگدان به‌رده‌وامه‌ و 36 ملیۆن كه‌س به‌شداری‌ پرۆسه‌كه‌ی‌ كردووه‌ تاكاتژمێر 10:30به‌كاتی‌ ئێران، به‌پێی‌ كارته‌كانی‌ ده‌نگدان.

ئێواره‌ی‌ ئه‌مرۆ، هه‌ڵبژاردن له‌ كاتژمێر 06:00بۆ كاتژمێر 08:00 درێژكرایه‌وه‌و دواتریش  بۆ كاتژمێر 10:00ی‌ ئه‌مشه‌و درێژكراوه‌یه‌وه‌ و بۆ سێیه‌م جار تا كاتژمێر 12:00 درێژكرایه‌وه‌.

عه‌دولره‌زا ره‌حمان فه‌زڵی‌، وه‌زیری‌ ناوخۆی‌ ئێران رایگه‌یاند"به‌هۆی‌ زۆری‌ ڕێژه‌ی‌ به‌شداری‌ ده‌نگده‌رانه‌وه‌ ماوه‌ی‌ ده‌نگدان درێژكراوه‌ته‌وه‌، درێژكردنه‌وه‌كه‌ بنكه‌كانی‌ ده‌نگدانی‌ ده‌ره‌وه‌ی‌ وڵاتیش ده‌گرێته‌وه‌"،

بەیانی ئەمڕۆ هاوڵاتیانی ئێران روویان لەسندوقەكانی دەنگدان كرد بەمەبەستی دەنگدان بۆ هەڵبژاردنی سەرۆكی نوێی ئەو وڵاتە،و ئەنجومەنی شاروگوندەكانی ئەو وڵاتە.

عەبدولرەزا رەحمانی‌، وەزیری‌ ناوخۆی‌ ئێران  18ی ئەم مانگە ڕایگەیاند، زیاتر لە 56ملیۆن كەس مافی‌ دەنگدانیان هەیە لە هەڵبژاردنی‌ ئەو وڵاتە، و چاوەڕواندەكرێت ئەنجامی‌ هەڵبژاردن لەخولی‌ یەكەم یەكلاببێتەوەو یەكێك لەكاندیدەكان 50+1ی‌ دەنگەكان بەدەست بهێنن.

رەحمانی‌ ووتیشی،  200 ملیۆن كارتی‌ دەنگدان چاپ كراوەو ناردوویانە بۆهەموو شارەكانی‌ ئێران و كارتەكان لە بانكی‌ ناوەندی‌ ئێران چاپكراون كە 14نیشیانەی‌ سیمبولی‌ تێدایە بۆئەوەی‌ نەتوانرێت كۆپی بكرێت.

ئاماژەی‌ بەوەشكرد، كوالێتی‌ كارتەكە لە پارە دەچێت و  كۆپی‌ ناكرێت و لەهەڵبژاردنەكە 56 ملیۆن و 410 هەزار234 هاوڵاتی‌ ئێرانی‌ مافی‌ دەنگدانیان هەیەو وەزارەتی‌ ناوخۆ 63هەزار و 429 بنكەی‌ دەنگدانی‌ كردووەتەوە  16هەزار سندوقی‌ جوڵاوی‌ داناوە.

بەوتەی‌ رەحمانی ، وەزارەتی‌ ناوخۆ ڕاستەوخۆ ئەنجامی‌ بەرایی‌ هەڵبژاردنەكان ڕادەگەیەنێت، ئەوەشی‌ خستەڕوو" بەپێی‌ راپرسیەكان رێژەی‌ بەشداری‌ لە هەڵبژاردنەكە سەدا 72 دەبێت".

لەهەڵبژاردنی‌ سەرۆكایەتی‌ ئێران، ملیۆنێك كەس چاودێری‌ پرۆسەكە دەكەن350 هەزار ئەندامی‌ هێزی‌ ئەمنی‌ بۆ پاراستنی‌ ئاسایشی‌ هەڵبژاردن لە ئەركدا دەبن و 70 هەزار پشكنەر لە ناوەندەكانی‌ دەنگدان دەبن.



Copyright © 2016 Xendan.org all rights reserved

designed and developed by AVESTA GROUP