xendan ads

ڤیدیۆ...بەهۆی سەماكەرێكەوە پۆستەكەی لەدەستدا

- 5/18/2017 7:32:00 PM 154725 جار خوێندراوەتەوە

 خەندان-

سەماكەرێك بووە هۆی دوورخستنەوەی لیوای فڕۆكەوان عیماد بلاسی- بەڕێوەبەری فڕۆكەخانەی شەرەم شێخ، دوای ئەوەی لەتۆمارێكی ڤیدیۆییدا دەركەوت كە نیشانەیەك لەناوسنگی سەماكەرەكە دادەنێت.

بەپێی ئەو تۆمارە ڤیدیۆییە، "بلاسی" بەشداری ئاهەنگێكی كارمەندانی فڕۆكەخانەكەی كردووە، و دوای ئەوەی سەماكەرەكە دەچێتە لایەوە، نیشانەیەك لەناو سنگیدا دادەنێت، ئەوەش قسەو باسی زۆری بەدوای خۆیدا هێنا.

 


ئەو ڤیدیۆیەی بووە هۆی ماڵئاواییكردنی لەپۆستی بەرێوەبەری فڕۆكەخانەی شەرەم شێخ

 
چەند سەرچاوەیەكیش ئاماژەیان بەوەكردووە، دەركەوتنی بەرێوەبەری فڕۆكەخانەی شەرەم شێخ لەو ئاهەنگەدا و بەو شێوەیە، هۆكاری دوورخستنەوەی بووە لەپۆستەكەی، دوای ئەوەی محەمەد سەعید مەحروس سەرۆكی كۆمپانیای فڕۆكەوانی، بڕیاریدابە دانانی حوسام تەمبور بە بەڕێوەبەری فڕۆكەخانەكە لەجێی "بلاسی".

لەلایەن خۆشیەوە لیوا عیماد بلاسی ئاماژەی بەوەكردووە، ئەوەی كە روویداوە لەچركە ساتێكی شڵەژاندا بووە، و ویستوویەتی ئامادەبووانی ئاهەنگەكە دڵخۆش بكات بەهۆی ئەو دەسكەوتانەی لەماوەی رابردوودا بەدەستیان هێناوە.



Copyright © 2016 Xendan.org all rights reserved

designed and developed by AVESTA GROUP