xendan ads

باوکێک لە هندستان چیرۆکی کوشتنی کچەکەی دەگێڕێتەوە

- 5/18/2017 12:17:00 PM 41405 جار خوێندراوەتەوە

خەندان- 


كچێكی هیندی تەمەن 22 ساڵ دوای ئەوەی بە كۆمەڵ دەستدرێژی سێكسی دەكرێتەسەر و لێی دەدرێت و دواتر دەكوژررێت و تەرمەكەی فڕێ دەدرێت. 

ماهێندەر سینغ، تەمەن 45 ساڵ، باوكی كچەكە چۆنێتی ئەو ڕووداوەی بۆ ماڵپەڕی مەیڵ ئۆنلاین ڕوونكردووتەوە و ڕایگەیاندووە ئەو  كچەكەی  خۆی لە ناو حاویەیەكی خاشاكدا دۆزیوەتەوە و تەرمی كچەكەی زیاتر لە 200 كرمی پێوەبووە و سەگ بەشێك لەتەرمەكەی خواردووە. 


كچەكە، كە خەڵكی شارۆچكەی سۆنیپاتی هەرێمی هاریانای باكووری هیندستانە، لەڕێگای خۆیدا بووە بۆ رۆیشتن بۆسەر كارەكەی لە كۆمپانیایەكی دەرمان و باوەڕدەكرێت لەلایەن چەند پیاوێكەوە ڕفێنرابێت و دەستدرێژی سێكسی كرابێتەسەر و كوژرابێت. 

" من كچەكەمم بە جلوبەرگەكانی و بازنێكدا كە چەند رۆژێك پێشتر دایكی بۆی كڕیبوو، ناسیەوە. من هەرگیز ناتوانم ئەو دیمەنەم لەیادبچێت"  ماهێندەر سینغ وای وتووە. 

 ئەنجامی توێكارییەك دەریخستووە كە دەموچاوی كچەكە بە خشت لێی دراوە و ئیسكی كەللەسەریشی  بە سەختی شكێنراوە. 

باید كاور، تەمەن 40 ساڵ، دایكی كچەكە كە هەڕەشەی خۆكوشتنی كردووە ئەگەر ئەنجامدەرانی تاوانەكە بە سزای ڕەوای خۆیان نەگەیەنرێن، ڕایگەیاندووە "هەرگیز هیچ دیمەنێكی قێزەونی وەكو ئەمەم نەبینیوە، كچەكەم هەمیشە دەترسا دەستدرێژی سێكی بكرێتەسەر."


پیاوێك بە ناوی سومیت كومار، تەمەن 25 ساڵ، كە ناسیاوی خێزانەكەیە و دەوترێت خۆشەویستی كچەكەیە، بەتۆمەتی تێوەگلان لە ڕووداوەكە دەستگیركراوە. 

كۆمار لە گوندێكی نزیك دەژی و دەوترێت چەندین جار داوای خۆشەویستی كردووە لە كچەكە بۆ ئەوەی بیكاتە هاوسەری خۆی، بەڵام نەیتوانیوە كچەكە رازی بكات.

 

A post mortem revealed her internal organs and genitals were damaged beyond recognition, her face was smashed with bricks and she was run her over with a car in Sonipat, Haryanam

 

 



Copyright © 2016 Xendan.org all rights reserved

designed and developed by AVESTA GROUP