xendan ads

سامسۆنگ مۆبایلە ئابڕوبەرەکە دەخاتەوە بازاڕەوە

- 5/18/2017 2:36:00 AM 38321 جار خوێندراوەتەوە

خەندان- ماردین عوزێری

 

کۆمپانیای سامسۆنگی کۆری دووبارە مۆبایلی گالاکسی نۆت ٧ دەخاتە بەردەست بەکارهێنەران، ئەو ئامێرە بەهۆی کێشەیەکی مەترسیدارەوە لە زۆرێک لە میدیا جیهانییەکان وەک ئابڕوچوونێک بۆ سامسۆنگ لەقەڵەمدرا.

 

گالاکسی نۆت ٧ بووە جێی سەرجی میدیاکان پاش ئەوەی بەدەستی چەند بەکارهێنەرێکەوە تەقییەوە و وای لە سامسۆنگ کرد بەرهەمهێنانی بوەستێنێت و لە بازاڕەکان بیکشێنێتەوە.

 

بەپێی چەند راپۆرتێکی نوێ، سامسۆنگ بە نیازە ئەو ئامێرە کشێنراوانە هەندێک چاکسازییان تێدا بکات و کێشەی تەقینەوەکانیان چارەسەر بکات و بە نیوەی نرخ دووبارە بیانخاتەوە بازاڕەوە.

 

بەپێی زانیارییەکان، ئامێرە نوێکراوەکە ناو Galaxy Note 7R یان Galaxy Note FE دەبێت و سەرەتا لە کۆریای باشور بەردەست دەبێت.

 



Copyright © 2016 Xendan.org all rights reserved

designed and developed by AVESTA GROUP