دیارترین" داعشى داواكراو" لەلایەن مالیزیاوە لە سوریا كوژرا

- 5/8/2017 9:31:00 PM 6856 جار خوێندراوەتەوە
ژمارەیەك ئەندامی هێزە ئەمنییەكانی مالیزیا

خەندان- ئاسۆ شەیدا

فەرماندەی پۆلیسی مالیزیا ئەمڕۆ دووشەممە پشتبەستوو بە زانیاری هەواڵگری رایگەیاند دیارتین ئەندامی داعش كەلەلایەن ولاتەكەیەوە داواكراوبوو، لەسوریا كوژراوە.

محەمەد واندی محەمەد جەدی (26 ساڵ) ناوی لەلیستی " توندڕەوانی" ویلایەتە یەكگرتووەكانی ئەمەریكادا هاتووە، و گوماندەكرێت پلانداڕێژەری ئەو هێرشە بێت كە حوزەیرانی رابردوو كرایە سەر فرۆشگایەك لە كوالالامپور و بەهۆیەوە 8 كەس برینداربوون، كەبەیەكم هێرشی داعش ئەژمار دەكرێت كە لەمالیزیا ئەنجامدرابێت.

خالد ئەبو بەكر لەهەژماری تاییەتی خۆی لەتویتەر نووسیوویەتی" دوای پێداچوونەوە بە" راپۆرتەكانی" هەواڵگری، پۆلیسی مالیزیا دەتوانێت جەخت بكات لە كوژرانی محەمەد واندی لە هێرشێكدا لەرەققەی سوریا و لە29ی نیساندا كوژراوە"، بەوەش ئەو هەواڵانەی پشتڕاستكردەوە كە باسیان لەكوژرانی واندی دەكرد لە هێرشێكی فڕۆكەی بێ فڕۆكەواندا لە سوریا.

 



محەمەد واندی لە ویلایەتی مالاكا لە خۆرئاوای مالیزیا لەدایكبووەو هەر لەوێش ژیاوە، لە 2014 دا لەگەڵ هاوسەرەكەی چووەتە شاری رەققە لە سوریا، ساڵێك دوای ئەوەش بووە ناوێكی دیار كاتێك لەیەكێك لەتۆمارە ڤیدیۆییەكانی تایبەت بە سەربڕینی هاوڵاتییەكی سوری دەركەوت، وەك رۆیتەرز بڵاویكردووەتەوە.

هەر زوو واندی بووە كەسێكی جێی باس كاتێك وا بڵاوكرایەوە كە بەرپرسی راكێشانی ئەندامی نوێیە بۆ ناو داعش لەڕێی تۆڕی ئینتەرنێتەوە، و لەو كارەشیدا ناوی ئەبو حەمزە فاتحی بەكاردەهێنا.


نیشانەکردن :

#مالیزیا

Copyright © 2016 Xendan.org all rights reserved

designed and developed by AVESTA GROUP