xendan ads

هێرشەکەی پاریس؛ گومانلێکراوی دووەم خۆی رادەستی پۆلیس کرد

- 4/21/2017 11:54:00 AM 6015 جار خوێندراوەتەوە
پۆلیسی بەڵگەی تاوانی پاریس ئۆتۆمبێلی هێرشبەرەكەی شەقامی شانزەلیزێ دەپشكنن

 خەندان-

پۆلیسی فەرەنسا رایگەیاند گومانلێكراوی دووەمی هێرشەكەی شەقامی شانزەلیزێ‌ –ى پاریس، خۆی رادەستی پۆلیسی بەلجیکا کردووە.

ماڵپەڕی سکای نیوز بڵاویکردووەتەوە، گومانلێکراوی دووەمی هێرشەکەی شەوی رابردووی پاریس کە دەسەڵاتدارانی بەلجیکا ناسنامەکەیان دیاریی کرد، و هاوتا فەڕەنسییەکانیان لێ ئاگادار کردووە، خۆی رادەستی پۆلیسی بەلجیکی کرد.

پییر براندیە وتەبێژی وەزارەتی ناوخۆی فەڕەنسا رایگەیاندووە، ئەو کەسەی ناوی هاتبوو وەک داواکراوی رووداوەکەی دوێنێ، خۆی رادەستی دەسەڵاتدارانی بەلجیکا کردووە لە بنکەیەکی پۆلیس لە ناوچەی ئەنتویرب لە باکوری بەلجیکا.

شەوی رابردوو بەهۆی رووداوێكی تەقەكردن لە شەقامی شانزەلیزێی شاری پاریسی فەڕەنسا پۆلیسێك كوژراو دووانی دیكەش برینداربوون، هێرشبەرەكەش لە شوێنی رووداوەكە كوژرا.


گرتەیەكی ڤیدیۆیی دەریدەخات كە دوو كەس لەهێرشەكەی شانزەلیزێدا بەشداربوون

 
دوای هێرشەكە، رێكخراوی داعش لە رێی ئاژانسی هەواڵی ئەعماقی تایبەت بەخۆیەوە، بەرپرسیارێتی لەو هێرشە راگەیاند و ئاشكرای كرد كە هێرشبەرەكە ناوی ئەبو یوسف بەلجیكی-بووە.


ساتەوەختی هێرشەكەی شەقامی شانزەلیزێ‌

 
لەساڵی 2015 وە فەرەنسا "باری لەناكاوی" راگەیاندووە و لەماوەی ئەو دووساڵەشدا لەئاكامی زنجیرەیەك هێرش كە زۆرینەیان لەلایەن كەسانێك كە لەبەلجیكاو فەرەنسا گەورەبوون، ئەنجامدراون و بەهۆیانەوە زیاتر لە 230 كەس كوژراون.

هێرشەكەی شەوی رابردووی پاریس لەكاتێكدا دێت وابڕیارە رۆژی یەكشەممەی داهاتوو، خولی یەكەمی هەڵبژاردنی سەرۆكایەتی ئەو وڵاتە بەڕێوەبچێت.


نیشانەکردن :

#فه‌ڕه‌نسا

Copyright © 2016 Xendan.org all rights reserved

designed and developed by AVESTA GROUP