xendan ads

پۆلیسی فەڕەنسا بەدوای گومانلێکراوی دووەمی هێرشەکەی پاریسدا دەگەڕێت

- 4/21/2017 10:59:00 AM 3111 جار خوێندراوەتەوە
پۆلیسی پاریس لەشوێنی رووداكەوەی شەقامی شانزە لیزێ

خەندان-

پۆلیسی فەڕەنسا رایگەیاند بەدوای گومانلێکراوی دووەمی رووداوی تەقەکردنەکەی شەقامی شانزەلیزێدا دەگەڕێن کە بووە هۆی کوژرانی پۆلیسێک.

پییر ئۆنری وتەبێژی وەزارەتی ناوخۆی فەڕەنسا ئەمڕۆ هەینی رایگەیاند پۆلیس بەدوای دووەمین گومانلێکراوی رووداوەکی تەقەکردنەکەی شەقامی شانزەلیزێ دەگەڕێت.


پۆلیسی بەڵگەی تاوانی پاریس ئۆتۆمبێلی هێرشبەرەكەی شەقامی شانزەلیزێ دەپشكنن

شەوی رابردوو بەهۆی رووداوێكی تەقەكردن لە شەقامی شانزەلیزێی شاری پاریسی فەڕەنسا پۆلیسێك كوژراو دووانی دیكەش برینداربوون، هێرشبەرەكەش لە شوێنی رووداوەكە كوژرا.


ساتەوەختی هێرشەكەی شەقامی شانزە لیزێ-ی پاریس پایتەخت

 
وتەبێژی وەزارەتی ناوخۆی فەڕەنسا کە بۆ رادیۆ ئەوروپا 1 قسەی کردووە ئاماژەی داوە، دوای رووداوی تەقەکردنەکە و کوژرانی یەکێک لە هێرشبەرەکان، بەرپرسانی ئاسایشی بەلجیکی ناسنامەی گومانلێکراوی کەسی دووەمیشیان دیارییکردووە، و دەسەڵاتدارانی فەڕەنسایان لێ ئاگادارکردووەتەوە.


شەقامی شانزەلیزێ‌ دوای رووداوەكە

 
دوای هێرشەكە، رێكخراوی داعش لە رێی ئاژانسی هەواڵی ئەعماقی تایبەت بەخۆیەوە، بەرپرسیارێتی لەو هێرشە راگەیاند و ئاشكرای كرد كە هێرشبەرەكە ناوی ئەبو یوسف بەلجیكی-بووە.

لەساڵی 2015 وە فەرەنسا "باری لەناكاوی" راگەیاندووە و لەماوەی ئەو دووساڵەشدا لەئاكامی زنجیرەیەك هێرش كە زۆرینەیان لەلایەن كەسانێك كە لەبەلجیكاو فەرەنسا گەورەبوون، ئەنجامدراون و بەهۆیانەوە زیاتر لە 230 كەس كوژراون.

هێرشەكەی شەوی رابردووی پاریس لەكاتێكدا دێت وابڕیارە رۆژی یەكشەممەی داهاتوو، خولی یەكەمی هەڵبژاردنی سەرۆكایەتی ئەو وڵاتە بەڕێوەبچێت.


نیشانەکردن :

#فه‌ڕه‌نسا

Copyright © 2016 Xendan.org all rights reserved

designed and developed by AVESTA GROUP