xendan ads

موسڵ؛ دەنگی مۆسیقا بەتەنیشت دەنگی فیشەكەوە

- 4/20/2017 9:47:00 PM 6460 جار خوێندراوەتەوە
ئەمین موكداد

خەندان-

مۆسیقارو كەمانچەژەنێكی شاری موسڵ كە ماوەیەكی زۆر لەناوچەكانی ژێر دەستی داعش ژیاوە، چووەتە شوێنە رزگاركراوەكانی موسڵ و مۆسیقا دەژەنێت.

ئەمین موكداد، ئەو مۆسیقارە عێراقییەی رۆژی چوارشەممەی رابردوو، لە ناوچەیەكی خاپوركراوەی تازە ئازادكراوەی شاری موسڵ كۆنسێرتێكی بچوكی سازكرد.

ئەمین موكداد ئەو پارچە مۆسیقایانەی ژەند كە بەنهێنی لەو كاتەدا داینابوون كە لە ژێر دەستی داعشدا دەژیا. 

موكداد دەڵێت، "ئێرە شوێنی هەمووانە، نەك بەتەنها مەزهەبێك، داعش نوێنەرایەتی هیچ ئاینێك ناكات بەڵكو تەنها نوێنەرایەتی ئایدۆلۆژیایەك دەكات كە قەدەغەی ئازادی دەكات".

موكدادی تەمەن 28 ساڵ دوای ئەوەی چەكدارانی داعش دایان بەسەر ماڵەكەیداو ئامێرە مۆسیقییەكانیان برد، ئەو شارەی جێهێشت. 

 تەهانی ساڵح یەكێك لە ئامادەبووانەكانی كۆنسێرتەكە كە لەلاین داعشەوە بەزۆر وای لێكرابوو واز لەزانكۆ بهێنێت دەڵێت، "نمایشەكە وەك خەونێك وەهابوو".

تەهانی ئاماژەی بەوەشكردووە، "ویستم بێمە ئێرە بۆ ئەوەی ئەو پەیامە بگەیەنم كە جەنگ ژیانی لە موسڵ نەوەستاندووە، ئەم هەموو وێرانییە دەبینیت، بەڵام هێشتا ئێمە دەمانەوێت دڵخۆشبین، دەمانەوێت گوێ لە مۆسیقا بگرین."


نیشانەکردن :

#موسڵ

Copyright © 2016 Xendan.org all rights reserved

designed and developed by AVESTA GROUP