xendan ads

بە ڤیدیۆ.. دامەزرێنەری فەیسبوک باس لە کوشتنی ڤیدیۆ لایفەکە دەکات

- 4/19/2017 11:34:00 PM 32130 جار خوێندراوەتەوە

خەندان-

 

دامەزرێنەری فایسبوک لەکۆنفرانسێکی ساڵانەی کۆمپانیاکەیاندا باسی لەتاوانی کوشتنی پیاوێکی بەتەمەن لەسەر فەیسبوک لایف کرد و ماتەمینی خۆی ئاڕاستەی خانەوادەی قوربانییەکە کرد.

 

مارک زوکەربێرگ، دامەزرێنەر و بەڕێوبەری تۆڕی کۆمەڵایەتی فەیسبوک، لەکۆنفرانسی F8ی ساڵانەی کۆمپانیاکەیاندا ئاماژەی بە کوشتنەکەی رۆبێرت گۆدوینی تومەن ٧٤ ساڵدا و کۆمەڵێک خالێ گرنگی خستە روو.

 

لە ئەنجامی ئەو روداوە، تۆڕی فەیسبوک رەخنەیەکی زۆریان هاتە سەر چونکە کاتێکی زۆریان پێ چوو تا بەو ڤیدیۆ لایفەیان زانی و سڕیانەوە.

 

مارک زوکەربێرگ جەختی لەوە کردەوە کە ئەو رەخنانە لەجێی خۆیانن و پێویستە بابەتی هەستیاری لەو جۆرە لە لایەن ئەوانەوە بە زووترین کات کۆنترۆڵ بکرێت.

 

لە درێژەی وتەکانیدا ماتەمینی خۆی ئاڕاستەی خانەوادەی رۆبێرت گۆدوین کرد، وتی "هەموومان بە دڵ لەگەڵ دۆست و خزمانی رۆبێرت گۆدوین-داین."

 

 



Copyright © 2016 Xendan.org all rights reserved

designed and developed by AVESTA GROUP