xendan ads

ڤایبەر دوو تایبەتمەندی نوێی بۆ زیادکرا

- 4/16/2017 10:38:00 AM 78575 جار خوێندراوەتەوە

خەندان- ماردین عوزێری

کۆمپانیای ڤایبەر ڤێرژنێکی نوێی بەرنامەکەیان خستووەتە بەردەست بەکارهێنەران و چەند گۆڕانکارییەکی نوێی تێدا کراوە، رێنمایی بەکارهێنەران دەکەن کە ڤایبەرەکانیان ئەپدەیت بکەنەوە بۆ بەردەستبوونی ئەو تایبەتمەندییانە.

لە ئەپدەیتەکەدا دوو تایبەتمەندی نوێ زیداکراون، دەتوانیت راستەوخۆ لەناو بەرنامەی ڤایبەردا سەیری ڤیدیۆی یوتیوب بکەت و ئێستا دەشتوانیت ئاگاداربیت دوا جار هاوڕێکانت کەی ئۆنلاین بوون.


هەر نامەیەک بنێریت لە رێی نامەی ڤایبەرەوە کە لینکی ڤیدیۆی یوتیوبی تێدا بێت، ڤیدیۆکە لەناو چاتەکدا دەردەچێت و دەتوانیت پەنجەی بخەیتە سەر بۆ ئەوەی ڤیدیۆکە ببینیت بە بێ ئەوەی ڤایبەر جێبهێڵیت.

ئەگەر ئێستا بڕوانیتە لیستی کۆنتاکتەکانت، دەبینیت ئەو کاتە نووسراوە کە دوایینجار ئەو کەسە ئۆنلاین بووە، هەندێک بەرنامەی دیکە وەک مەسنجەر و واتسئاپ ئەم تایبەتمەندییەیان هەیە و سەرکەوتووە.

 



Copyright © 2016 Xendan.org all rights reserved

designed and developed by AVESTA GROUP