xendan ads

رێنمایی بۆ پاراستنی باتری ئامێرەکانتان (بەشی یەکەم)

- 4/10/2017 10:15:00 PM 22253 جار خوێندراوەتەوە

خەندان- ماردین عوزێری

 

ماوەی پاش کڕینی ئامێرێکی ئەلیکترۆنی نوێ کە لەسەر باتری کار دەکات، هەست دەکەین کە وردە وردە شەحنەکەی زووتر روو لە دابەزین دەکات، لێرەدا چەند رێنماییەکی بەنرخ بۆ پاراسترنی تەندروستی باتری مۆبایل و لاپتۆپ دەخەینە روو.

 

گرنگترین خوو کە کار لە تەندروستی باتری دەکات بریتییە لە شەحنکردنەوە، ماوە و شێوە شەحنکردنەوە هەمووی کاریگەری خۆیان هەیە بۆسەر باتری.

 

+ هەوڵ بدە شەحنکەرەوەی کۆمپانیای ئامێرەکەت و بەکاربهێنین و سەرنجی ئەوە بدە کە بەرهەمێکی ئەسڵی بێت.

 

+ چەندین توێژینەوە دەریان خستووە کە ئەو باترییانەی شەحنەکانیان بە بەردەوامی لە نێوان ٨٠٪ بۆ ٤٠٪دا دەمێنێتەوە زیاترین بەرگە دەگرن، واتە هەوڵ بدە نەهێڵیت شەحنی ئامێرەکەت بە تەواوی بەتاڵ ببێتەوە یان روو لە کەم بوونەوە بکات تا شەحنی بکەیتەوە، هەروەها وا باشە تا ١٠٠٪ بە شەحنەوە نەیهێڵیتەوە، بەڵکو زووتر دەریبهێنە.

 

+ خۆت بەدوور بگرە لە شەحنکەرەوەی خێرا (fast charger)، مۆبایلەکەت بۆ شەحن کردنەوە بە USB مەبەستە بە لاپتۆپ و ئامێری دیکەوە، وەک باسکرا، تەنها ئامێری شەحنکەرەوەی تایبەتی خۆی بەکاربهێنە.

 

 

+ تەکنیکێک هەیە ئاسانە و گرنگە و ئەگەر جێبەجێ بکرێت سوودی درێژخایەنی بۆ باترییەکە دەبێت، ٣ مانگ جارێک بهێڵە ئامێرەکەت شەحنەکەی بەتاڵ ببێتەوە و بە کوژاوەیی تا ١٠٠٪ شەحنی بکەرەوە.

 

لە بەشی داهاتوودا رێنمایی گرگنی دیکە دەخەینە روو.



Copyright © 2016 Xendan.org all rights reserved

designed and developed by AVESTA GROUP