خه‌ندان دۆت ئۆرگ، وه‌ك رۆژنامه‌یه‌كی ئۆنلاینی كوردی كارده‌كات و به‌رهه‌مه‌كانی به ‌تێكست، فۆتۆ، ده‌نگ و ڤیدیۆ بڵاوده‌كاته‌وه‌.
به ‌سه‌ردانی  Xendan.orgده‌توانیت ئاگاداری رووداو و گۆڕانكارییه‌كان ‌بیت و به‌شێوازێكی نوێ و هه‌مه‌چه‌شن زانیاری نوێ وه‌ربگریت و بواری ئه‌وه‌شت هه‌یه ‌به‌شداری بكه‌یت و ببیته ‌به‌شێك له‌پێكهێنه‌ره‌كانی ئه‌م سایته‌‌، خه‌ندان 24 سه‌عات له ‌رۆژێکدا و 7 رۆژ له‌هه‌فته‌یه‌کدا، بابه‌تی نوێت ده‌خاته‌به‌رده‌م، له‌دوا چركه‌شدا ده‌تباته‌وه‌ سه‌ره‌تای رۆژێكی نوێ.
خه‌ندان، به‌شێوه‌یه‌كی به‌رده‌وام و سات به‌سات زانیاری نوێ ده‌رباره‌ی رووداو و گۆڕانكاری و پێشهاته ‌سیاسی، ئابووری، كۆمه‌ڵایه‌تی، وه‌رزشی، هونه‌ری، سه‌مه‌ره ‌و ته‌كنۆلۆجییه‌كان ده‌خاته‌ڕوو و بواریش ده‌كاته‌وه ‌بۆ گه‌یاندن و ئاڵوگۆڕی بیروڕاكان و به‌شداریپێكردنی هه‌مووان له‌پرۆسه‌ی راگۆڕینه‌وه‌دا.

له خه‌ندان دا پابه‌ندبوون به‌راستگۆیی و پاراستنی متمانه ‌له ‌گه‌یاندنی زانیارییه‌كاندا بنه‌مایه‌كی سه‌ره‌كی كاركردنه ‌و كه‌مكردنه‌وه‌ی مه‌ودای كات و شوێنیش له‌نێوان روداو و وه‌رگر و ره‌خساندنی ئازادی راده‌ربڕین و ده‌ستخستنی زانیاری ئامانجێكی سه‌ره‌كییه‌، هاوكاتیش پابه‌ندبوون به ‌بنه‌ما سه‌ره‌كییه‌كانی ئه‌خلاقی رۆژنامه‌وانی له خه‌نداندا ئه‌ركه‌ و له‌پێش هه‌موو كارێكیشه‌وه ‌رێزگرتن له‌مافی ژیانی تایبه‌تی و له‌به‌رچاوگرتنی به‌رژه‌وه‌ندی گشتی ره‌چاوده‌كرێن.

سایتی خه‌ندان یه‌كێكه ‌له ‌پرۆژه‌كانی دامه‌زراوه‌ی خه‌‌ندان بۆ په‌خش و وه‌شاندن که‌ له‌ ئه‌یلولی ‌ساڵی ‌2003 له‌شاری ‌سلێمانی‌ كوردستانی‌عیراق دامه‌زرا. سایتی خه‌ندان وه‌ك پرۆژه‌یه‌كی دامه‌زراوه‌ی خه‌ندان له ‌1ی كانوونی دووه‌می 2010 خرایه‌گه‌ڕ.

دامه‌زراوه‌ی خه‌‌ندان له‌رێگه‌ی ‌بڵاوكراوه‌كانییه‌وه‌ هه‌وڵده‌دات خزمه‌تگوزارییه‌كی ‌راگه‌یاندنی‌ پشت به‌ستوو به‌بنه‌ما پیشه‌ییه‌كان پێشكه‌ش بكات، به‌و پێیه‌ی ‌بڵاوبوونه‌وه‌ی ‌ئازادانه‌ی‌ زانیاری ‌پشكداری ‌له‌دروستكردنی ‌رایه‌كی ‌گشتیی‌ ئاگادار له ‌كێشه‌كانی ‌كۆمه‌ڵگا و مه‌سه‌له گشتییه‌كان ده‌كات. هه‌روه‌ها هه‌ڵده‌ستێت به‌ ‌سازدانی ‌چالاكی ‌روناكبیری ‌به‌ئامانجی‌ پایه‌داركردنی ‌رۆشنبیریی‌ گفتوگۆكردن و هۆشیاری ‌دیموكراسی‌، له‌رێگه‌ی‌ كۆنگره ‌و وۆركشۆپ و سیمیناره‌وه‌. 

 خه‌ندان له‌سه‌ره‌تای‌ دامه‌زراندنییه‌وه‌ ره‌زامه‌ندی ‌یاسایی ‌له‌لایه‌ن وه‌زاره‌تی ‌رۆشنبیری‌ له ‌هه‌رێمی ‌كوردستان وه‌رگرتووه‌، دوای‌ فراوانبوونی ‌چالاكییه‌كانی ‌له‌سه‌ر ئاستی ‌عیراق، ره‌زامه‌ندی‌ وه‌زاره‌تی‌ كاروباری ‌كۆمه‌ڵگای ‌مه‌ده‌نی ‌له‌به‌غدا وه‌رگرت.

 ئامانجه‌كانی‌ دامه‌زراوه‌ی‌ خه‌ندان:

بنیاتنانی‌ كۆمه‌ڵگه‌یه‌كی‌ مه‌علوماتی ‌له‌رێگه‌ی ‌پێشكه‌شكردنی‌ خزمه‌تگوزاری‌ میدیایی ‌راسته‌وخۆ و كۆنگره ‌و ووۆركشۆپی ‌رۆژنامه‌وانییه‌وه‌.

پشكداریكردن له‌دروستكردنی ‌رای‌ گشتیی ‌له‌سه‌ر ئاستی‌ كوردستان و عیراق.

بڵاوكردنه‌وه‌ی‌ رۆشنبیری‌ دیموكراسیی ‌و به‌هاكانی ‌لێبورده‌یی ‌له‌ كۆمه‌ڵگه‌ی‌عیراقدا.

بڵاوكردنه‌وه‌ی ‌رۆشنبیری ‌گفتوگۆكردن و یه‌كتر قبوڵكردن.


بڵاوكراوه‌كانی ‌خه‌ندان:


رۆژنامه‌ی‌ رۆژانه‌ی ‌ئاسۆ كه‌ له ‌نیسانی ‌ساڵی ‌2004 ه‌وه ‌له ‌كوردستان ده‌رده‌چێت و بڵاوده‌كرێته‌وه‌. ئاسۆی دیجیتاڵ له "سایتی خه‌ندان"دا بخوێنه‌ره‌وه‌.

گۆڤاری هه‌فتانه‌ كه‌ هه‌فته‌ی جارێك به‌زمانی كوردی ده‌رده‌چێت. هه‌فتانه‌ی دیجیتاڵ له "سایتی خه‌ندان"دا بخوێنه‌ره‌وه‌.

گۆڤاری ‌(الاسبوعیه‌) كه‌ هه‌فتانه ‌به‌ زمانی‌عه‌ره‌بی ‌ده‌رده‌چێت و نوسینگه‌ی ‌له‌به‌غدا و به‌یروت و كوردستان هه‌یه‌ و له‌عیراق و ده‌وڵه‌تانی‌ ناوچه‌كه ‌و له‌نده‌ن و ستۆكهۆڵم بڵاوده‌كرێته‌وه‌. گۆڤاری ‌(الاسبوعیه‌) له "سایتی خه‌ندان"دا بخوێنه‌ره‌وه‌.

رۆژنامه‌ی ‌كوپرو (پرد) كه ‌به‌هه‌ردوو زمانی ‌توركمانی ‌و عه‌ره‌بی ‌له ‌ساڵی ‌2006 ه‌وه ‌ده‌رده‌چێت و له‌ كه‌ركوك و ئه‌و ناوچانه‌ی‌ كه ‌توركمانی ‌تێدایه ‌له‌موسڵ و تكریت بڵاوده‌كرێته‌وه‌. رۆژنامه‌ی ‌كوپرو (پرد) له "سایتی خه‌ندان"دا بخوێنه‌ره‌وه‌.

سایتی خه‌ندان كه ‌له‌1ی كانوونی دووه‌می 2010 كه‌وته‌كار.


بۆپه‌یوه‌ندیكردن
info@xendan.org